一直都喜歡吃豬手，但韓式豬手也只是在外吃過一次，其實不太清楚它的煮法是怎樣，但既然煮韓國餐，有湯有粉絲，只欠一個肉，一於決定試一試弄韓式豬手。
去街市買新鮮豬手，只有一整條豬手賣。
"姐姐，邊隻靚呀?"
姐姐："只係有大同細之分"
"咁呢隻呀，唔該可唔可以呢到斬一刀，跟住腳尾呢到都斬一舊舊呀?" (不知怎樣形容，只有不斷指手劃腳)
"哦，得" 姐姐隨即將豬手拋給豬肉佬呀哥，接著叫 "元蹄，豬腳斬!"
5個字，這就是中國人的言簡意賅！
參考網上其他人的做法
材料：
豬手: $48 ($40/斤)
八角: 8粒
蒜頭: 4粒
洋蔥: 半個
大蔥: 1條
辣椒: 少許
薑: 少許
1) 準備好配料，大蔥切段，薑拍扁，蒜頭袪皮。
2) 豬手洗淨，煲水加薑汆水。
3) 再煲水，加入豬手和所有配料 (有冬菇的? 對，因炒粉絲浸多了加了2隻一起煲，但煮完後個人認為加不加冬菇分別也不大)，再加調味: 老抽2湯匙、生抽2湯匙、蠔油1湯匙、鹽少許、糖少許、雞粉少許和花雕酒少許 (要試試味湯汁要咸一點點就可以)。
4) 煲1.5小時，去骨切片上碟，再淋一點煲豬手的汁(精華)，完成~
但其實想來想去，原了模仿切片上碟之外，想來想去都不覺這味稱得上是韓式豬手，或許要加點韓國醬料煮，又或者配生菜跟韓式配料和醬夾著吃才算，哈哈，不過好味道就不理了。
