香煎喜知次

2014年冬日美食節的其中一個收穫是 -- 喜知次 (Kinki)!

事前完全不知道是甚麼冬冬，肥野走到一個counter，即很興奮地叫 "有喜知次呀! 我想食呀! "

一望原來是一條魚，有甚麼特別? 是價錢特別貴! 一條北海道喜知次美食節價都要$188! 猶豫...... 對又陌生又貴的食材，總怕煮得不好浪費了。


"我想食好耐架啦，出面食好貴架" 看著肥野興奮的饞嘴樣，好，即管膽粗粗試一試!

"我想問下呢條魚點整架，完全唔識整..." 不恥下問 XD

"呢個最好係燒，劏左佢，就咁燒已經好好食架" 有一個姐姐說。

"要加少少鹽架，同埋唔洗劏" 旁邊的姐姐說。

"要劏，唔洗加鹽都得架"..."係要加鹽架呢，唔洗劏好D"...

"但我冇燒烤爐喎..."


她們一人一句之時，再旁邊的哥哥就走到後面找一個好像比較pro的大家姐來：
"呢條魚你番去要劏左佢，不過要好小心，仍d刺好利架，跟住加少少鹽，如果可以最好燒啦，好似泰式烤魚咁，不過冇既話煎都得，同埋真係記得，小心d刺好利架!"

感激他們極力的幫忙解說，選了一條最大的 (同一價錢嘛)。

煮前再不斷上網查怎樣煮：

http://www.metrohk.com.hk/index.php?cmd=detail&id=91544
http://www.appledaily.com.tw/appledaily/article/supplement/20071110/3981644
https://hk.news.yahoo.com/%E5%96%9C%E7%9F%A5%E6%AC%A1-223000954.html

原來這條魚真的很厲害，在餐廳吃一條至少要$800!
很怕太複雜的紅燒等等的做法弄巧成拙，最後都決定簡單的油煎，但前提是要先把放在窒溫解凍，跟著把牠劏了，肥野自薦他負責這一環。

因為姐姐的千叮萬囑，所以帶了勞工手套劏魚，絕對需要，因為牠的刺真的很利!

第一次劏魚，有點雞手鴨腳，幸好有救星剛巧回到，示範劏魚大法。文字很難闡述，只有置身其中，自己再練習便曉。想學的朋友可以到魚檔，細心觀察檔主怎樣劏。

劏好後印乾在煎前灑一點鹽，熱鑊下油燒紅後放魚，中火煎香。

喜知次其貌不揚，張開嘴的臉有點醜，又有點似大眼雞，煎好後和其他魚差不多，
但真的一試難忘!!! 真的超超超超超超超超好吃呀!

八個字形容: 甘香肥美!!! 齒頰留香!!!

真的超超超超超超超超好吃呀! 是吃過最好吃的魚!